الروايه ال2 للكاتب... Roka Rore
بعنوان :أجمل صدفه
روايه رائعه وكالعاده يلئها الكثير من الاحداث الجميله والشيقه والرائعه تجذب القارئ وتجلعه يعيش ف عالم الواقع من خلال قرائتها ونرجوف ناهيه الامر ان تنال اعجابكم
ملاحظه: ممنوع النقل او النشر بدون ذكر اسم الكاتب والمصدر وشكراا
هو ...
الدكتور احمد هو معيد في كلية اثار ودي اول سنة هايبدأ يدخل فيها سكاشن هو عنده حوالي 24 سنة شاب يفضل الاعتماد دوما علي نفسه وكان الاول علي دفعته طوال 4 سنين في الجامعة ومحبوب جدا من اصدقائه
الدكتور احمد هو معيد في كلية اثار ودي اول سنة هايبدأ يدخل فيها سكاشن هو عنده حوالي 24 سنة شاب يفضل الاعتماد دوما علي نفسه وكان الاول علي دفعته طوال 4 سنين في الجامعة ومحبوب جدا من اصدقائه
هي ...اميرة طالبة في السنة الاولي لها في نفس الكليه .كلية اثار
والدها يمتلك احدي المصانع "يعني حالتهم المادية كويسة جدااا"
لكن هذا كان لا يعرفه احد فهي في غاية البساطة والاناقة والرقة ايضا وكان لها العديد من الاصدقاء لكن اقربهم اليها هي...
مريم...احدي صديقاتها المقربين اليها فهم اقرب الي بعض من الاخوه..
مر اول شهر في الدراسة لا مشاكل لكن دوما اميرة كانت خائفة جدا من الدراسة اصلها مرحلة جديدة عليها وكانت بتحضر جميع المحاضرات ومستنية
جدول السكاشن كمان ينزل علشان تفهم اللي هي كانت مش فاهماه اوي من المحاضرات
وفعلا نزل جدول السكاشن وكان دكتور احمد هو اللي ها يديها أهم مادة عندها السنة دي
احمد يحدث نفسه قبل ان يذهب الي الجامعة فهذا اول يوم له في السكاشن وبصراحة اول يوم ليه يدي سكاشن اصلا
"يارب ساعدني يارب ده اول يوم ليا ادرس فيه للطلبة استرها يارب..."
سمعت والدة احمد الكلام ده فردت عليه
"ايه يااحمد اهدي كده شوية مالك متوتر كده ليه كإن عندك امتحان ثانوية عامة ده انا حتي ماشوفتكش كده ايامها
احمد بتوتر: ياامي ده اكتر من امتحان الثانوية دول جيل ربك وحده الاعلم بيهم وانا خايف مااتوفقش
والدنه :لا ياابني ان شاء الله خير توكل انت بس علي ربك وان شاء الله خير
احمد :اللهم امين يارب
والد احمد اصلا متوفي وهو ليس لديه سوي والدته فهي الدنيا وما فيها عنده واحمد من الشخصيات اللي بتحب تعتمد علي نفسها جدااا
في هذا الوقت ايضا كانت اميرة وصديقتها مريم ذاهبتان معا الي الجامعة ليحضرا سكشن دكتور احمد
الوضع في الجامعة....._
دكتور احمد ذاهب الي قاعات السكاشن يدخل دكتور احمد واذا به
شاب وسيم ذو عينين واسعتين بنيتين جميلتين وذو شعر اسود ناعم وهو ايضا طويل الي حد ما"طول منايب مش طويل اوي يعني"
تنظر اليه جميع الفتيات بتمعن شديد فهو حقا وسيم جدااااا
ينتظر خمس دقائق حتي يجتمع الطلبة ثم يبدأ الشرح.....
اميرة ومريم تسرعان لتلحقا السكشن فتدخلا بعد بدا الشرح ب5 دقائق....."
اميرة :السلام عليكم
دكتور احمد :وعليكم السلام
اميرة :ممكن ندخل بعد اذن حضرتك
احمد :حضرتك والاستاذة عندكم تأخير 10 دقايق
مريم للاسف اتسحبت من لسانها :معلش بقي يادكتور عديها ده اول سكشن
عادي يعني يادكتور
احمد :بغضب شديد طبعا من ام لسان طويل دي:احنا هنهزر ياانسة اتفضلوا بره انتوا الاتنين علشان اكمل السيكشن...
شعرت اميرة بإحراج شديد حتي احمر وجهها خجلا وشعر احمد بالذنب
نكمل بكره بقي ونعرف ايه اللي هايحصل.......
----الجزء الثاني منـــــــــــ.....
----------أجمل صدفة.........
ذهبت اميرة وهي في شدة كسوفها ومحرجة جدا
عاجبك كده يامريم ادينا اتطردنا بسبب طولة لسانك دي
طاب اعمل ايه والله مش كان قصدي......
خلص السكشن وخرج دكتور احمد يدور في كل مكان عن اميرة
بعيناه ولم يجدها للاسف لقد اختفت تماما حتي لا تراه
فهي تشعر بإحراج شديد جدا مراسبوع كامل واميرة تبتعد عن اي مكان ممكن تقابل فيه احمد ولو بالصدفة وجه معاد السكشن بتاع دكتور احمد....
اميرة تتحدث الي نفسها : اديني اهو جايالك اول واحدةفي السكشن لي الله تقول بقي اي حاجة تاني
احمد ...يارب اشوفها النهاردة تفتكر هاتيجي مش عارف طيب ممكن تحضر مش عارف انت عجباك البنت والا ايه مش عارف بس هي رقيقة كده وزي الملايكة دي كمان زي القمر ...ايه ايه ياعم احمد ده انت قربت تقول فيها شعر
اسكت بقي علشان انا قربت اهو من القاعة
اميرة... استر يارب اهو دخل هو انا ليه كل اما اشوفه احس اني مش قادرة اتنفس كده وقلبي يفضل يدق اوي كده ده اكيد علشان انا خايفة منه بس ربنا يستر استر يارب.....
احمد.....يااااااه انا مش مصدق هي ايوه هي دي جت وهاتحضر انا شايفها هي قدام
عيني لالالا دي ملاك دي قمر انا شكلي كده.....
ظل احمد يدقق النظر الي ملامح اميرة "وكانه بيحفظها مثلا"
اما اميرة فلقد كانت في قمة احراجها لدرجة انها اغمي عليها من شدة الاحراج"""
تفيق اميرة واذا بها داخل مكتب دكتور احمد وهو ينظر اليها بعينان هادئتان مليئتان بنظرات لا يعلم احد ان كانت خوف فقط ام خوف يخلطه بعض الحب....
اخذت اميرة كتبها وحقيبتها وخرجت من المكتب مسرعة جدا هاربة من تلك النظرات الغريبة وعندما خرجت بحثت عن مريم لعلها تخبرها ماذا حدث فترد مريم بضحكة هادئة.....
مريم :بصي ياستي انتي اغمي عليكي وجه عم طرزان وانقذك واخدناكي احنا لمكتبه علشان نفوقك وخرجنا لما جت الدكتورة
اميرة :.......طرزان ..!!!مين؟؟قصدك مين؟؟؟؟؟؟؟
مريم :دكتور احمد يااختي.....
شعرت اميرة بالاحراج والخجل منه فهي حتي لم تشكره علي مافعله لذلك قررت ان تذهب الي مكتبه علشان تشكره تاني يوم.....
اميرة داخل مكتب دكتور احمد :السلام عليكم
احمد وهو ينظر الي اوراقه حتي لا ينظر الي عياها ويقعد يسرح فيها زي كل مرة :وعليكم السلام
اميرة :ازاي حضرتك يادكتور
احمد :تمام الحمد الله انتي اللي عاملة ايه النهاردة
اميرة :الحمد الله يادكتور انا روحت للدكتور وبقيت كويسة الحمد الله
احمد :ينتفض من سماع كلمة دكتور وينظر اليها بخوف ليه ؟؟؟
اميرة :ابدا علشان بس ماما تطمن عليا مش اكتر
احمد الحمد الله :طيب علي العموم حمدالله علي سلامتك
وينظر الي اوراقه ثانية "خايف يبان عليه اي حاجة"
اميرة :انا متشكرة جدا يادكتور علي اللي حضرتك عملته امبارح معايا
احمد :لا ابدا ياانسة اميرة ده اقل واجب ...وانا كمان اسف علي اللي حصل مني في اول سكشن وانا مستعد اشرحلكم اللي فاتكم في اي وقت انتي وزميلتك
اميرة :بجد يادكتور انا متشكرة جدا ربنا يخليك يارب
احمد :شوفي يناسبك امتي وانا تحت امر
اميرة :ايه رأي حضرتك في بكره ان شاء الله؟
احمد :خلاص ماشي بكره الساعة 11 ان شاء الله هاستناكم
اميرة :ان شاء الله ...ب حضرتك ....وشكرا كمان مرة
احمد ...اتفضلي ياانسة ........العفو
احمد يتحدث الي نفسه :ايه الغباء ده ماكونتش قادر اقولها النهاردة ..مااهو علشان انت غبي ...اسكت انت كمان
اه اسكت علشان بفوقك لحقيقتك
ايوه انا غبي ارتحت بقي وبعدين النهاردة من بكره مفيش فرق كبير
لا ياراجل بذمتك مفيش فرق
بصراحة في فرررررق كبييييييييييييير اوووووووي
جري ايه ياابو حميد انت هاتحبها والا ايه
احبها ايه ياعم دي مستوي تاني
وفيها ايه ماانت معيد قد الدنيا
والنبي بلاش كلام امي اللي انا حافظه ده واسكت احسن
طيب يااخويا انا هاسكت ولما تقع مش تبقي تيجي تقولي اتصرف
ايون اسكت احسن .....
بكره بقي نكمل ونعرف ايه اللي هايحصل.........
الجزء الثالث .....من
-------اجمل صدفة------
وفي نفس الوقت كانت اميرة تخبر مريم بموعد السكشن وسعدتا كثيرا لهذا الخبر .....وذهبتا لتغادرا الجامعة وتذهب كل منهما الي منزلهما
مريم :سلام ياحبيبتي اشوفك بكره ان شاء الله اميرة :تعالي يابنتي اوصلك في طريقي
مريم :لاياستي بلاش مش عايزة اتعبك معايا
اميرة :انتي عبيطة يابنتي ده احنا اخوات
مريم :ماشي ياستي متشكري
وفي هذه اللحظة كان دكتور احمد بيتابع اميرة من شباك المكتب بتاعه من بعيد لبعيد وتمني لو انه كان هو من يتحدث اليها الان"شكله كده..
وعندما ذهبت اميرة الي منزلها ووجدت نفسها تفكر فيه من دون ان تشعر ايوه بتفكر في احمد "شكلها كده هي كمان ......"
وفي اليوم التالي ذهبت اميرة ومريم الي مكتب دكتور احمد علشان الشرح وبعد ان انتهي دكتور احمد من الشرح
احمد :ها يابنات فهمتم
اميرة :اه يادكتور الحمد الله بجد متشكرين جدا
احمد :انا تحت امركم يابنات في اي وقت
اميرة ومريم :شكرا يادكتور ...بعد اذن حضرتك
احمد :اتفضلوا
اميرة :الحمد الله ...كتر خيره كنت مش فاهمة اي حاجة
مريم :الحمد الله ياشيخة...بس ده باين عليه رخم اوي...مع انه زي القمر
اميرة :حرام عليكي ده شكله طيب وبعدين مش كتر خيره انه شرح لنا المادة
مريم :اه....طيب....ماشي اما نشوف اخرتها ايه معاكي
اميرة كإنها ولا سمعت اي حاجة وفضلت ساكتة لكن فضلت تفكر فيه طول ماهي ساكتة
ةتذكر احمد هذا الوجه الجميل االملائكي وهذه الضحكة البريئة وظل شئ بداخله يردد"اللهم ان كانت نصيبي فإجمع بيني وبينها في حلالك "اللهم اميـــــــــــــــــــن يـــــــــــــارب"
وفي نفس الوقت البيت في قمة الهدوء فقد نام الاب والام والاخوة وهي تحدثه علي الهاتف انها مريم ونادر ...ايوه مريم الصديقة المقربة اـ اميرة "نادر ده ولد في الجامعة في اخر سنة بس مش اول مرة يكون في اخر سنة علشان عنده 24 سنة وبقاله كتير في الجامعة يعني من المعمرين ضحك علي مريم وفهمها انه بيحبها علي الرغم من تحذير اميرة ليها من الولد ده الا انها ظلت تتحدث معه وانه هيرتبط بيها اول ما يتخرج ان شاء الله...ابقي قابلني"
اصبحت اميرة تحضر جميع المحاضرات وتنتظر موعد سكشن دكتور احمد بلهفة غريبة هي لم تفهم سببها حتي الان لكن احمد كان اوشك علي ان يتيقن من حبه لها .....لكن هي تفكر فيه كثيرا وحلمت به من قبل وتبحث عنه كثيرا داخل الجامعة وتنتظره كل اسبوع وما داخلها يؤكد لها انها ............
احمد داخل السكشن :هاياشباب كله تمام كده في حد عنده اي سؤال "يارب تسأل يارب عن اي حاجة ...."
اميرة :لو سمحت يادكتور انا كان عندي سؤال
احمد :الحمد الله .....انتي يااميرة سؤالك بعد السكشن لانك مش حضرتي اول سكشن وممكن يكون سؤالك مرتبط بيه
اميرة "آه انت مش عايز حد يعرف انك شرحتلي اول سكشن ": خلاص مفيش مشكلة يادكتور كمان علشان مش الغبط زمايلي
احمد :الحمد الله انها فهمت... كده ارد علي سؤالها واقولها عن الموضوع اياه ده خليني اخلص بقي
وبعد السكشن اميرة تنتظر وتسأل الدكتور وهو يجيب عليها
اميرة: شكرا يادكتور ....بعد اذن حضرتك
احمد :بعد اذنك يااميرة كنت عايز اتكلم معاكي في موضوع مهم ممكن تتفضلي معايا في المكتب 10 دقايق بس ... بعد اذنك
اميرة :موضوع ...!! موضوع ايه يادكتور؟؟
احمد :موضوع كده مش هاينفع اقوله دلوقت علشان زي ماانتي شايفة كده في طلبة عندهم سكشن هنا دلوقت هايدخولوا
اميرة :ماشي يادكتور ادام 10 دقايق بس ....مش كده ...!؟
احمد :آه طبعا......ان شاء الله 10 دقايق بس
اميرة جالها احساس انه هايتكلم معاها في اي حاجة في الدنيا غير الموضوع ده وحتي مش توقعت انه هيتكلم معاها في الموضوع ده اصلا
نكمل بكره ونعرف هايقولها ايه ...../.......
الجزء الرابع.........منـــــ
---------أجمل صدفة....
اميرة بقالها اكتر من5 دقايق في المكتب واحمد ساكت مش بيقول اي حاجة....:دكتور هو حضرتك كنت عايزني في ايه علشان بس مش اتأخر
احمد :اه طبعا هااقولك اهو "اصبري بقي شوية
بصي يااميرة من الاخر كده الصراحة انا شايف انك انسانة مؤدبة جدا ومحترمة وانا كنت عايز اعرف بعد اذنك اذا كان في حد في حياتك او لاء
اميرة :ليه يادكيور هو في حاجة..؟
احمد :لا ابدا بصي بصراحة انا معجب بيكي وكنت عايز اقول لوالدتي علشان ابلغك بعدها واجي يعني اتقدملك بس قولت افاتحك الاول في الموضوع جايز اكون اتسرعت ويكون في حد في حياتك
اميرة اتمنت لو ان الارض تنشق وتبلعها يالهوي طيب ارد عليه قوله ايه ده ايوه انا مقدرش انكر انه حاجة مهمة في حياتي بس بارده اقوله ايه
:حضرتك يادكتور انسان محترم ومؤدب واي بنت تتمني حضرتك
احمد :ايوه بس انا مش عايز من الدنيا دي غير بنت واحدة بس
وعلي العمو انا هااسيبك تفكري وعلشان مايبقاش في اي احراج اكتر ده الايميل بتاعي تقدري تبعتيلي ردك عليه وكده احسن من اني استني منك مكالمة
اميرة :ان شاء الله ممكن استأذن لو سمحت
احمد :اه طبعاغ اتفضلي
وبعد ان غادرت اميرة المكتب قلبها اصبح يدق بسرعة لا يمكن ان يتخيلها احد معقول ..معقول احمد بيحبني وعايز يتقدملي لالالالا انا مش مصدقة طيب اقوله ايه ارد عليه ازاي بس
خلاص انا اسكت خالص واستني كده كام يوم بعدها ابقي ارد عليه بقي وربنا يستر ومش ابهدل الدنيا
احمد :ياتري هاتقول ايه موافقة والا لاء ربنا يستر يارب
وفي نفس اليوم يري احمد اميرة وهي بتهزر مع شاب وسيم نزل من سيارته وتحدث مع اميرة ثم ركبت معه سيارته وذهبت
احمد ...اظاهر ان انا اتسرعت جدا غنية قولنا ماشي مفيش مشكلة لكن كده يبقي مش محترمة ياه يااميرة ده انا كنت فعلا بحبك الله يسامحك يايتني ماكنت اتسرعت ولا قولتلك
اميرة وصلت البيت وهي طايرة من الفرحة انا بجد مش مصدقة نفسي انا فعلا بحبك يااحمد بحبك اوي كمان
اتي اليوم التالي واميرة تبتعد قدر الامكان عن احمد ومكتبه علشان مش يشوفها ولا يسألها عن رأيها حتي ولو بالنظر اليها
عدي يوم واتنين وجه معاد السكشن واميرة هتموت من الفرحة علشان هتشوفه النهاردة ودخل السكشن احمد وفي حاجه جواه بتقول يارب اشوفه وحاجة بتقول
يارب لاء
وبعد السكش ماخلص جه نفس الولد اللي شافه احمد الاسبوع اللي فات علشان ياخد اميرة ورأي احمد فرحة علي وجهها عرف منها ان هذا الشاب يمثل لها شئ هام جداااااااااا
نكمل بقي بكره ونعرف مين الشاب ده اللي جنن احمد وفرحة بوجوده جدااااااا اميرة .........
"ياتــــــــري ميـــــــــــن...؟"
الجزء الخـــــــــــامس من......
-----------اجمل صدفة.....
كلنا عرفنا ان كان في واحد مستني اميرة بعد السكشن وطبعا ده كان حال احمد
"ايه ده وكمان جاي تاخدها ده انا طلعت غبي اوي لما صدقت انك محترمة بجد وكمان جايباه ياخدك قصدك علشان افهم انك مرتبطة خلاص انا فعلا كده فهمت وانا اسف..." وفي نفس الوقت يدخل ايهاب ويقدم يده مصافحا الدكتور احمد فيصافحه احمد بدون اي اهتمام فيتعجب ايهاب من احمد كثيرا
فيسأل ايهاب دكتور احمد :ايه يادكتور هي الامتحانات امتي ان لله
احمد :كمان شهر انشاء الله
ايهاب :لسه باردو المادة دي تقيلة ورخمة
احمد :وده يهمك في ايه هو انت معانا هنا اصلا
اميرة فهمت ان احمد اكيد شافها لما ركبت مع ايهاب العربية بتاعته
واكيد فهم انه حاجة تانية خالص
اميرة :اصل ايهاب اخويا يادكتور هنا باردو في اثار لكن اخر سنة بقي يابخته وكل سنة بإمتياز
ايهاب :ده انتي شر وشكلي كده بسببك هجيب مقبول بالعافية ده لو جبتها كمان
احمد من دون ان يشعر وجد نفسه يبتسم ابتسامة كلها حب وينظر الي اميرة في شئ من الرجاء علها تسامحه علي شكه بها
يذهب ايهاب ومعه اميرة اخته الي الكافتيريا واحمد يتابعهما بعينيه من شباك مكتبه
ثم يغادر ايهاب الجامعة تاركا اميرة تكمل محاضراتها
اميرة تري احمد وتنظر اليه في شئ من العتاب وهو طبعا فاهم كل ده
ليه فيطلب منها ان يتحدث معها قليلا
لكنها تعتذر علشان عندها محاضرة مهمة فيطلب منها رقم هاتفها
فتفكر قليلا ثم تعطيه اياه فيعلم انها فكرت به ووافقت عليه
خلصت اميرة المحاضرات واخذت سيارتها وذهبت الي المنزل بعد ان حصل بينها وبين مريم صديقتها خناقة جامدة جدا بسبب نادر علشان اميرة بتحبها وبتخاف عليها وحذرتها منه كتير اميرة شافت مريم لابسة لبس ضيق وقصير لدرجة انها لما بتتحرك جسمها بيبان منه
وقاعدة تهزر وتضحك مع نادر وكل اللي في الكافتيريا شايفينهم ومستغربين
بس مريم قالت لـ اميرة انتي مالك هو انتي كنتي امي وانا مش واخدة بالي
اميرة :انا غلطانة اصلا اني خايفة عليكي انتي حرة وتركتها وذهبت
وعندما دخلت الي المنزل دخلت غرفتها وشغلت جهاز الكمبيوتر الخاص بها وفورا اضافت حمد عندها علي الميل بتاعها
احمد راح البيت قال يشوف في ايه عنده جديد فتح الجهاز شغل النت فتح الاكونت الخاص بيه
ايه ده انا مش مصدق هي لالالالالا اسكت ياعم انت هي والله هي انا مش مصدق دي فعلا وافقت وضافها هو كمان عنده ولقاها اون لاين
احمد :السلام عليكم
اميرة :وعليكم السلام
احمد :ازيك ياانسة اميرة عاملة ايه
اميرة :الحمد الله وحضرتك
احمد :الحمد الله تمام
اميرة كان معاها فون فإعتذرت لـ احمد وقالتله بعد اذنك بس ارد ع الفون ممكن
احمد :اتفضلي
سرح احمد مع اميرة ولقي نفسه بيكتب لها الكلام ده
اميرة انا بجد ظلمتك لما شكيت فيكي
بس انتي احلي واجمل بنوتة في الدنيا
انا بجد بحبك ومن اول يوم شوفتك فيه وانا بجد بحبك
احمد كان مقرر انه يمسح الكلام ده ومش يبعته
بس للاسف سرح زيادة عن اللزوم وبعت الكلام ده
اميرة لما شافت الكلام ده فرحت اوي ولقت نفسا بترد علي
بحاجة واحدة بس انت شئ جميل جدا في حياتي
وبعدها اعتذرت منه وقفلت الجهاز علشان تنام
بعد ان اغلقت معه ارسل لها رسالة علي الهاتف
انا اسعد انسان في الدنيا
شعرت اميرة بسعادة كبيرة جدا وغفوت بعدها لتحلم بمن احبت حقا
نكمل بكره بقي علشاننعرف اميرة هتعمل ايه مع حسام لما تروح
الجامعة وايه المفاجأة اللي هو محضرهالها......
الجزء الســــــــــــادس مـــــــــن....
..........-أجمل صدفة-...........
امبارح عرفنا ان احمد كان محضر مفاجأة لـ اميرة المفاجأة دي هي انه عايز رقم موبايل والدها الخاص علشان يحدد معاه معاد علشان يخطبها
اميرة كانت طايرة من الفرحة ومش مصدقة نفسها ان كل ده بيحصل معاها فرحت جدا وقالت لـ احمد علي رقم والدها......... في الفترة دي اميرة كانت بدأت امتحاناتها وكمان احمد اتصل بوالدها وحدد معاه معاد بعد اخر امتحان لـ اميرة
اميرة خلصت امتحانات وجه معاد احمد وراح علشان يتقدم لها
بس علشان احمد من مستوي اقل شوية او شويتين الصراحة من اميرة اصلها من عيلة كبيرة ووالدها عنده مجموعة شركات كمان لكن احمد يادوب معيد بيبدأ حياته فكان قلقان جدااااا
ذهب احمد ووالدته وعمه الي منزل اميرة في الموعد المحدد وفي اثناء الحوار احمد يتكلم عن حاجة فاجئ بيها اميرة شخصيا
احمد :انا جالي بعثة لفرنسا علشان احضر الدكتوراه هناك ودي هتفرق في مستقبلي كتير وكمان انا كان والدي سايبلي بيت كده كان جاله قرار ازالة وبعدها هيتباع وهيجيب مبلغ كبير جدااااا اقدر بيه اني اجيب لـ اميرة اي شئ تؤمرني بيه
والد اميرة :بص ياابني سيب الموضوع ده لوقته واحنا دلوقت نقدر نقول ربنا يسهل ويقدم اللي فيه الخير
شعرت اميرة بفرحة وخوف وحزن واشياء كثيرة لا تعلمها لكن كان لها تأثر واحد فقط دموع غطت عيناها ومنعتها من ان تسق
انتهت المقابلة واحمد في حيرة وامه في خوف شديد من ان تكسر فرحة ابنها خصوصا بعد ان احست ان والدة اميرة لا ترغب فيهم اما اميرة ذهبت الي غرفتها وهي تبكي كثيرا ووالدها ووالدتبا يتحدثان في غرفتهما ودخلت اخت اميرة الكبري الي غرفة اميرة لتواسيها قليلا
نعمة اخت اميرة :اهدي بس ياحبيبتي مالك كده اهدي شوية
اميرة :هما عملوا كده ليه حرام عليهم ليه يكسروا فرحتنا
تدخل الام الي غرفة اميرة ايه ياحبيبتي اهدي كده بس اهنا مش رفضناهم احنا بس قولنا نصبر لما نسأل عليهم
وانتهي اليوم بذهاب نعمة الي شقتها ووالد ووالدة اميرة الي غرفتهم بينما ظلت اميرة تبكي الي ان غفت بدموعها
اما والدة احمد فظلت تبكي لوجع ابنها لانها اول مرة تراه يبكي علي شئ او متمسكا بشئ بهذه القوة ويصلي ويدعي من كل قلبه بأن يوفقه الله مع من اختارها قلبه
فـ احمد ظل طوال الليل يصلي ويدعي وعيناه لا تفارقها الدموع ونظرات الخوف والتوسل
يأتي الصباح فيتصل والد اميرة بـ احمد ويطلب منه ان يقابله في مكتبه من دون ان تعلم اميرة اي شئ عن هذه المقابلة
احمد :انا خايف اوي ياامي ياتري عايز ايه وهيقولي ايه ممكن يكون هيرفضني علشان كده قالي متقولش لـ اميرة
والدتعه :ربنا يستر ياابني لالالالا متقولش كده ان شاء الله خير
احمد :لا ياامي امي انا مش مطمن من المقابلة دي اللي جت بسرعة ده حتي مالحقش يسأل عننا يبقي اكيد رفضنا من غير حتي ميفكر ايوه اكيد رفضني
والدته بكل خوف لكنها تحاول ان تخفي هذا الخوف عن ابنها حتي تطمئنه قليلا :ليه ياابني كده بس اتفائل ده حتي تفائلوا بالخير تجدوه
احمد :ونعم بالله ياامي
ذهب احمد الي الشركة في الموعد ليجد والد اميرة في انتظاره
احمد :السلام عليكم
عادل والد اميرة :وعليكم السلام اهلا يااستاذ احمد اتفضل
احمد :ازي حضرتك ياافندم خير ان شاء الله اصل الصراحة مكالمة حضرتك جت بدري اوي عن توقعي
عادل :بص ياابني انا مش عارف ابدأ منين بس انت لازم تعرف وتفهم الكلام ده كويس جدا
احمد شعر بروحه وكأنها اقتربت من ان تفارق جسده واحس حقا انه رفضه رفض
تام بدون اي تفكير لكنه لم ينطق سوي بنظرة كلها توسل اليه بأن لا يقول انه حقا رفضه
اكمل عادل :انت شاب كويس جدا وممتاز واي بنت تتمني تكمل حياتها معاك ومستقبلك ماشاء الله عليه ....
احمد قاطعه :بس انا مش عايز من الدنيا دي غير ....
قاطعه عادل قبل ان يكمل :انا عارف ياابني انك بتحب اميرة وده انا شوفته في صدقك وفي الهدية"الهدية دي اللي عادل بيتكلم عنها اللي احمد جابها لـ اميرة كانت عبارة عن سلسلة فيها قلب صغير من الالماس جابهالها امبارح لما كان بيتقدملها علشان عيد ميلادها كان كمان يومين " .... وده اللي شوفته في صدقك وفي الهدية اللي قدمتهالها امبارح وانك فضلتها علي نفسك كمان وكمان عارف انها بتحبك من دموعها اللي غطت عنيها لما قلتلك مش تتسرع واصبر شوية وان والدتك كمان كان نفسها تفرح امبارح بس ياابني في مشكلة هي اللي هتخليني لايمكن اوافق عليك........
بكره بقي نعرف ايه هي المشكلة دي وايه رد احمد عليه لما يعرفها وياتري هتتحل والا لاء وياتري احمد واميرة قصة الحب الجميلة الصادقة دي هتكمل والا كده للاسف خلاص خلصت ...بكره ان شاء الله اخر جزء بإذن الله ........
الجزء السابع والا خيـــــــــر مــــــن.....
...........أجمل صدفة.........
احمد هيموت من الخوف اللي جواه وعادل للاسف مش عارف يبدأ منين ولا يقوله ايه وفي الوقت ده اميرة اغمي عليها من كتر الزعل وطلبت نعمة اختها الدكتور وجريت تتصل بوالدها عادل في المكتب
نعمة :الو بابي تعالا بسرعة اميرة اغمي عليها وتعبانة اوي تعالا بسرعة يابابي
احمد طبعا من نظرة عادل حس ان في كارثة وكان قرب يجيله سكته من كتر خوفه علي اميرة
عادل :انا جاي حالا اتصلوا بالدكتور بسرعة فاهمة يانعمة بسرعة
احمد :في ايه طمني اميرة مالها
عادل :صمت قليلا وعيناه امتلئت بالدموع تعالا معايا ياابني
ذهب عادل واحمد الي المنزل بأقصي سرعة ووجدوا اميرة نائمة فقد اعطاها لدكتور منوم لانها كانت منهارة تماما كما علق لها محاليل لانها كانت ضعيفة جدا بسبب قلة الاكل وطلب منهم يهتموا بتغذيتها كويس جدا
عادل :الحمد الله يعني يادكتور مفيش اي حاجة تانية
دكتور خالد :لا ابدا مفيش اي حاجة خالص الحمد الله بس لازم العملية تتعمل في اسرع وقت ممكن
عادل :ان شاء الله يادكتور ومتشكر جدا
احمد عملية عملية ايه دي وماله كأن الدكتور ده مثلا متابعها من زمان
عادل اضطر طبعا يقول لـ أحمد علي كل حاجة
عادل :تعالا يااحمد معايا عايزك في كلمتين
ودخلا المكتب
عادل :بص ياابني انا كنت بصراحة رافضك بدون تفكير من غير حتي مااسأل عنك
احمد :ليه بس انا عارف انها تستاهل حد احسن مني والله بس انا كنت هعمل اي حاجة علشان اسعدها..
قاطعه عادل :ياريت مش تقاطعني يااحمد ياابني وتسيبني اكمل المشكلة انك الولد الوحيد لوالدتك واكيد نفسها تشوف اولادك بس ياابني انا بنتي تعبانة عنها عضلة القلب ضعيفة يعني ماينفعش تعمل اي مجهود يبقي ازاي ياابني هتبقي ام واديك شوفتني ازاي كنت هتجنن عليها لما تعبت
صدم احمد مما سمع ليس لانها مريضة وانه لن يكون اب بلا لان هذه المريض هي من يعشقها تمني لو انه هو من كان مريض وليس هي
احمد :طيب انا سمعت الدكتور بيقول عملية وكده
عادل :ايوه ياابني في عملية ممكن تعملها بس انا مش عايز اخاطر بحياة بنتي وتضيع مني
احمد :اميرة هتعمل العملية وهتبقي كويسة واحسن مني ومنك ومن اي حد وان كان علي الاطفال انا كفاية عليا اعتبرها زوجتي وبنتي وحبيبتي انا مش عايز اطفال انا عايزها هي اللي تملا عليا حياتي وبس
زهل عادل مما سمعه الهذه الدرجة تحبها احقا يحبها احقا سيحافظ عليها
قاطع كل هذه الافكار احمد :ده انا ممكن كمان اتبرع لها بقلبي بس هي تكون بخير
بكي عادل من شدة فرحه وانحني ليقبل يد احمد لكن احمد سحبها بسرعة ايه ده ده انت زي والدي وفي مقامه وبنتك دي هي كل حياتي......يالا بقي قولي ممكن
العملية دي تتعمل امتي
عادل :بكل سعادة قريب قريب ان شاء الله
تحدث احمد مع اميرة وشرح لها كل شئ وانها يجب ان تجري العملية في اسرع وقت حتي يتزوجا بأسرع ما يمكن
وبالفعل تمت الخطوبة وبعدها العملية
الموقف في المشفي
الام :تبكي وتدعو لها
الاب :يسبح ويدعو لها
احمد :مابين سجود وركوع وابتهال ودعاء ودموع ورجاء لله بأن يكون معها
والدة احمد :تقرأ لها قرآن وتدعو لها
نعمة وزوجها :علي باب غرفة العمليات ينظران الي الداخل ويدعوان لها
ايهاب :بعيدا عن الجميع يبكي خوفا عليها
تنتهي العملية بوضع صمام جديد لها والدكتور يخبرهم الحمد الله العملية نجحت واميرة بقت زي الفل الحمد الله بس ده مايمنعش اننا لازم مش نضايقها ولازم نحافظ عليها اكتر
احمد :ده انا هحطها في عنيا من جوا بس هي تبقي بخير وسجد شاكرا لله عز وجل
وقام قبل رأس امه ويداها وقبل عادل والد اميرة وسادت فرحة ليس لها مثيل
اصبحت اميرة في احسن حال والحمد الله وعدت سنتين الخطوبة وجاء موعد زفاف اميرة واحمد
وتم الزفاف علي احسن حال وبعد عام ونصف من زواج مااجمله واسعده حدثت كارثة لم يكن يتوقعها احد
اميــــــــــــرة حــــــــــــــــامل يالهههههههوي
هي عملت العملية بس الحمل صعب عليها وكمان خطر 9 اشهر مرت عليهم وكأنها 90 سنة وجاء موعد الولادة
نفس المشهد بتاع العملية داخل المستشفي لكن البكاء اكثر والدعاء اقوي والصلوات اكثر فالكل بين دعاء وبكاء وصرة وتسبيح وقراءة للقرآن
وبعد ساعتان مرت كالدهر
خرجت ممرضة من غرفة العمليات وعلي شفاها بسمة جميلة جدا
فين استاذ احمد
احمد :انا
الممرضة :مبروك يااستاذ احمد ربنا كرمك بتوأم زي القمر ولد وبنت
سجدت احمد لربه شاكرا وسجد الجميع معه
الحمد الله الحمد الله الحمد الله ........
احمد :طيب واميرة
الممرضة :مدام اميرة زي الفل وهتتنقل الغرفة بتاعتها دلوقت تقدر تطمن عليها كمان الف مبروك كمان مرة
شعر عادل ووالدة اميرة ان الله يكافئ احمد علي مافعله فأعطاه9 توأم بدلا من طفل واحد فلقد عوضه صبره هذا كله
وخرجت اميرة من المشفي واصبحت بخير وسمت اطفالها
مرام ومازن
فاكرين مريم بقي زميلتها طلع نادر فعلا مش بيحبها وبيلعب بيها بيتسلي يعني وهي عرفت ده بس متأخر فتركته وفي نفس الوقت كان ايهاب اخو اميرة يبحث عن زوجة فخطبها وتزوجا بعد انجاب اميرة مباشرة وانجبا ايضا .....ساندرا 5سنين وباسم سنتين
وبس كده خلص قصة احمد واميرة بس لسه في قصص تانية
كتييير لو عجبتكم هكمل كتابه بس لو مش عجبتكم قولولي
علشان مش اضايقكم ولا اضايق غيركم بكتباتي
..........النهايــــــــــــــة........
حقوق الطبع والتوزيع محفوظه!!
ليست هناك تعليقات:
إرسال تعليق